؛؛؛؛ * رحَّال * ؛؛؛؛
رحَّال فى بحر عيونك
ولا عُمر قلبك عليَّا يقسى
ومهما كان موج بحر عِشقك
قلبك تاملِّى مينا ومرسى
يا ماليا القلب بالفرحه
لا طبله ولا مزمار
بيعدى يومى ولا ادرى
ونهار والف الف نهار
واخاف تبان الفرحه فى عيونى . يحسدونى
ولو غبتى عن العيون لحظه . يتخطف لونى
إنتى النغم والطرب
قولى واشجينى
احلى كلام فى العشق
إنتى اللى علمتينى
الود ودى آخدك فى حضنى
وداريكى عن كل العيون
وعشمى إنى اشيلك فى ننى
واروح معاكى فين مايكون
،،،، * سالم ابو العلا * ،،،
،،
إرسال تعليق