....لام الشهيد.......
يا ناس... انا ابني حي
يا خلق ..انا ابني شهيد
قالي يا مه انا بكره جي
جهزيلي توبي الجديد
توبي يا مه مش حرير بقلم
توبي النهاردة يامه بعلم
علم يا ما مصر .....الحبيبة
وقولي لأخويا يا خد مكاني
انا يامه ضحكلي زماني
والجنة صارت... مني قريبة
وحياتي عندك يا ما ما تبكيش
وقولي لمريم ما تزعليش
ابانوب ضحي بحياته
لأجلك انتي .. ....ومصر تعيش
ابانوب يا مريم كان بطل
قال مش هننزل يامحمود غير سوا
ولما لقي العدو من الكمين وصل
طار زي الصقر في الهوا
وﻻ حد همه وفدي بدمه كل إخوانه
وانا يامريم ما تفكريش
اسيبهم يقربوا علشان أعيش
طرت بسﻻحي. . وراهم
وعلي الرمال سالت دماهم
وحصلت ابانوب ... في صيوانه
صرخت مريم..... يا ابانوب
كان باقيلنا عل الفرح . يومين يادوب
هاتولي لبس الجنود
وخدوني هناك ع الحدود
افدي بلدي بعنينا
و ﻻ خسيس لأرضي.... يعود
د/عمر عبد الجواد
إرسال تعليق