.....خليك على راحتك.......
اعاتبك ليه ؟. ما انت بايعني
و اصالحك ليه ؟......ما انت عارفني
لا بحب الكدب و لا أهله
و اديك الحب لو تستاهله
نعاتب ليه في بعضينا
و نشكي ليه ليالينا
ما احنا اللي جبناه لنفسينا
و نقول الدنيا ليه قاسية علينا
و انت ف قربك و بعدك............ظالمني
في بعدك بشتاق إليك
و ف قربك بحن ليك
وانت لا حاسس بيا
و لا شايف الدمع ف عنيا
وأول عنيا ما تلمح عنيك
بنسي اللي بيا وافتح اديا.... . . و أجرى عليك
و لا مرة واحدة .............بتنصفني
بلاقيك بعيد عني ...و انت قصاد عيني
وانت قريب مني... مش حاسس ابدا بحنيني
لا بكلمة حلوة تمسيني
ولا حتى ف همي تواسيني
في همك على طول مشاركني
و ف فرحك ديما ناسيني
وانت بصمتك ...........معذبني
ليه بنلوم ديما.. على غيرنا
و ندور على حد ...يغيرنا
مين ف الدنيا هيعزرنا
و لا حتى في يوم هيقدرنا
لا بنعرف نسوي أمورنا
و بنظلم ديما.... قدرنا
و طول الليل... ....مسهرني
انا يا ما سهرت كتير على راحتك
لا يوم شكيتك ..... . و ﻻ يوم جرحتك
وكتير قسيت عليا ..و ياما كتير سامحتك
خليني بعيد عنك ....... ..وانت خليك على راحتك
وانا ليا رب .......يصبرني
د/عمرعبدالجواد
إرسال تعليق