الناس اتغيرت
الناس في بلدي
كانوا قريبين
كل واحد يقف مع جاره
وقت الشدايد والمحن
حتى الغريب لما يزورها
عمره أبدا ما يحس بغربته
كانت تضمه وفى عينيها تحفظه
كان القريب يجرى عليك
يمسح دموعك وبلهفته
يقول يارب أحفظه
كنا نلقى الحب ماشى جنبنا
الفرحة مرسومة على كل وش مننا
دلوقتى تلقى العيون مبحلقة
كل عين نفسها تخطف
رزق والله ما كان لها
عادت القلوب ما بترضى
أبدا بعشها
الدنيا أتغيرت
ولا أحنا لسه في سحرها
الدموع ملية العيون
والشمس دايبة في بحرها
حتى القمر بهت نوره
كل يوم يحضن همومه
ولا مرة حد رق قلبه
وسهر معاه يسمع حكايته
بقينا نجرى كل يوم
أول ما يطلع النهار
كل واحد على شغله رايح
وكل حاجة نسأل بكام
حتى القلوب صبحت معروضة
في سوق المحبة تشتريها
كل قلب وله تسعيرة
رخصنا والله فرحنا
يا دنيا اعدلي ما بين ولأدك
ولا عشقتى خلاص حالك
ورضيتى تعيشى مقلوبة
اسمحيلى أقولك عيوبك
لكن اذاى أقول يا سكرة
واحتا اللي في الأصل عيبه
وبنداريها في طرحتك
خلاص يا دنيا بكرة نجيلك
ونرجع تانى نشيل همومك
وتحضني مرة تانية فرحتك
بقلمى / ابتسام رحمة
إرسال تعليق