&صرخة حبيبه&
بقلم:أحمد عبدالباقي
*****************************
عاوزه تبعدي
إمشي ماتستنيش
ﻻفي بعدك راح أموت
لأ
دا غصب عنك هعيش
راح أبدأ حياه جديده
الفرحه فيها شديده
والحزن فيها مفيش
غيرك كتير بعرف
يتمنوا نظره عيوني
وجوه قلوبهم أعيش
إمشي ماتضايقيش
اختاري يلا الخصام
وامنعي إنتي الكلام
إبني جدار الصمت
ﻻتردي حتي السلام
قلبي وقلبك إقتليهم
اصرخي الماضي مات
انسي الكلام
وامحي اللي فات
صوتك بنبره بكرهك
حرق الذكريات
والعشق ناره انطفت
علت صوت الآهات
مالك كده متغيره
والدمعه تايهه محيره
والحب في عيونك ذليل
شكلك لقيتي بديل
راح يرسم وياكي حياه
ويعدي بيكي المستحيل
صرخت وقالت آه
جت جري في أحضاني
ودمع عيونها سايل
قالت بكرهك تاني
نامت بين ضلوعي
راح نبضها
ماتت وسابتني وحداني
بكرهك م الألم كلمه قالتها
خافت لتظلمني
وتأذيني بعلتها
خبت جواها مرض
صرخت ألف آآه
وﻻسمعت صرختها
وروحت كما الإلم اللعين
بالقسوه أذيتها
وماتت نور عيوني
راحت اللي حبيتها
وسابتني علي الذكري عايش
أسير حزني
ودموعي كما الشلال
كل ليله
سايله علي صورتها
---------------------------------
''أحمد عبدالباقي''
إرسال تعليق