إبكى يا أمّا
*************
إبكى يا أمّا ع اللى فات خرجى دمع وآهات
وأصرخى والصوت حزين وإكسرى فيكى السُكات
إبكى يا أمّا بالساعات ع اللى راحل واللى عايش واللى مات
اللى كان الحلم فيه واللى كان واقف ثبات
اللى كان ماسك علم واللى حقق معجزات
اللى كان يفدى بروحه واللى أصبح ذكريات
إبكى يامّا ع اللى خان واللى بايع والجبان
إبكى يا مّا ع الحنان وإفتحى كل البيبان
أرضك خلاص إتعمرت وإتزينت وسط المكان
اللى عايش فيكى روح لجل ما تعيشى ف أمان
واللى ضحى بالجروح نجل ما يعود الزمان
واللى قلب الطيبه قلبه شال حموله وإستعان
محمد سالم
إرسال تعليق