غراب البين
ليالي الفرح هجراني بقالها سنين
وجوه القلب احزاني بتوجعني
امانه يا فرح اقتلي غراب البين
ورجعلي ضحكه نسياني ورجعني
وليه نسياني يا فرحه مابتطولي
وحتى العشق متلذذ مرار زولي
واه يا بخت مش لايق علي صاحبه
ولو عدي الهنا جنبي يتوه عني ما يوصلي
سمعت الصوت غراب نوح بأعلي الدار
تقولشي مسكنو عندي قعد ولا طار
وليه يابين وايه عاجبك حدا مني
ومين دلك علي داري ومستني
يشوف الدمعه في عيوني ويسألني
ويتشفي السؤال فيا ويهدمني
ونسيو اني انا الباكي بقالي زمان
ومتعود علي دموعي وع الاحزان
كلمات
الشاعر الباكي
محمود جلال
إرسال تعليق