(((عيونك قضية )))
******************محمودعمار الزلبانى
خليني أبص في عيونك
يمكن على شطهم أرسي
من غير ما دري بقيت مسجونك
ويا ما عيونك طلعت حسي
في بحورهم رموني ولا فكرة حداي للعوم
لقيتني غرقان وبدور على نفسي
ورحت اشتكي لقلبك كبير القوم
أتريه ما يعرفنيش لا فى سكوتي ولا همسي
وأنا إللى فاكرني فى قلبه متهني
كرهت قلبي اللى خدعنى فيك
ولاكنت عارف بهجرك كده تهيني
بالوهم قلبي كان فرحان وشاريك
وإنت إللي بايع ولا مرة عيونك تطمني
عدت عليا الليالي لوحدي مستنيك
بنادي قمر عالي أو نجمة تكلمني
الكل خاصمني ومسجون في بحر عنيك
قضيتي قلبي إللى للهوى علمني
وقلبك القاضي ومش راضي بقلبي شريك
رماني في عيونك سنين تجرحني وتإلمي
يمكن اطلع منهم شهادة حسن سير وسلوك
ويفرجوا عني وأشوف الهنا مرة
عنواني فى عيونك لو في يوم سألوك
يا أبو قلب خداع وطعم الحياة مره
يكفيني منك قساوة وعيوني بس شالوك
لكن بحبك مهما صدر منك
ماهي عشرة إتعلمت منها دروس
مش قادر أعيش ابدا بعيد عنك
خليني أحسن جوا العيون محبوس
************************** محمودعمار الزلبانى
إرسال تعليق