كان نفسى اخلي الدنيا ملكك
واحليكى انتى الاميرة عليها
تتكلمى تسمعلك
وتكون طوع امرك
كان نفسى ازرعلك ارضى
جناين ورد
وانتى زى فراشة
تتمشى فيها على مهلك
كان نفسى ابدرلك الكون افراح
تطرح وتزهزه بشاشة
ما تدوريش انتى عليهم
هما يجولك لحدك
واملا ضلمة روحك غنا
وابقى شدوك فيها ولحنك
لكن يظهر انه انك
شاربة من بحر الخيانة
وجايبة فيه اخرك
لو غبتى عنه بيندهلك
وش البراءة عليكى مش خايل
متبهطل قوى ومايل
وبيدلدق
الوش الخاين عليكى اليق
متظبط قوى على قدك
يظهر ان روحك
ما اتعودش ع الراحة والصراحة
و لاع الوفا
بتشربهم بتدروخ وبتتخنق
وبتتقيض
مانيش عارف ان كان دا طبعك
ولا دا سببه طيشك وجنانك
حاسس ان الغدر دا شىء
مخلوق بس علشانك
الشاعر عبد الله الهوارى
إرسال تعليق