(فيكِ تايه) للشاعر أبو الخير بدر

قصيده بالعاميه المصريه
للشاعر أبو الخير بدر
بعنوان
(فيكِ تايه)
فات عليا وقاللى زِيك
قال لي زيك ماله زي
تورتة فيها شمع ياما
كل شمعه
من عاليها تشوف هلال
ضوء بلالي
كل شمعه تقول أدان
والأدان كمان بلالي
و اما لالي من هواكِ
مين يلومني
ياللي كنت بنادي ليكِ
وقول ياأمي
لسه أمي في هواكِ
علميني إزاي أحبك
ياللي حبك صار فلاتي
ليه فرضت عليا أسيبك!؟
ليه قطعتي لسان حبيبك !؟
ياللي كنتِ ....
ف المحافل ليا زينه
ليه أشوفك ف الرذيلة
مش رزينة!؟
ليه تحاجي ابن اللذين
و ترازينا
اللي خد قوتي وقوتك
بالفتات
القديم و الجديد
و الحرير و الحديد
اللي جامد
و اللي سايل
واللي غازي
اللي غازي بدون سلاح
اللي ساح
و اللي تاح
واللي باح
و النباح
وانفتاح
اللي بان
و اللي غاطس
و اللي عام
عام سعيد عليكِ يا امه
لسه واقفه!؟
لسه واقفه زي يوم
ماعمرو جالك
جلابيه و مشربيه
قله دواره ف زمانك
لسه ماسكه ف ديل حلالك
لسه الازهر فيكِ قبله
و لا حبله من سفاح
لسه أبوابك مشانق
باب زويلة وباب فتوح
لسه غره ف الخرطة
و للا صدرتي العبيطة
يا للي زارعه العـنجهيه
فيا حَب
احصدي مسخ الجدود
رخصوني
رقصوني
خصخصوني
برمجوني
هجنوني
جننوني
ياللي عذالك لاموني
رغم إني بموت وموتي
فيكِ أحيا
مش ح اموت
إلا بعد ماتحضنيني
و اما أشوف اللهفة أدفا
و اما اكحل بك
الشاعر / أبو الخير بدر