صلاة الفجر فى رمضان *** بقلم الأستاذ د. محمد حسن

الفجر قرب أذانه
ربى أعلم بشانه
ابنى مستنى لحاله
عايز يصلى الفجر مع خلانه
والبدر فوق المدنه
والمؤذن يبص فى ساعته
والشيخ بيقرى فى أذعته
وعقد التجارة مع الله وقعته
والشيخ الضرير يجره ابنه
وعطى للآذان ودنه
الله أكبر
الصايم يمسك
يارب حقق لنا وعدك
الكل صاين عهدك
قبل الأذان بدقايق
الكل مستنى يشرب مياه
وتمر دايب
قلبى للصوم ملهوف
هصوملك ومفيش خوف
كل الأبواب مزحومة
وأبواب المسجد مرسومة و
كل خطوة للصلاة
بالخير موسومة
اللى يصلى الفجر فى ذمة
رب كريم تعمه
محلاها صلاة الجماعة واللمة
والصف ورا الصف وحدة
يتنصر بها المؤمن وتذهب الغمة
مع أذان الفجر يبدأ صيام
يوم جديد على كل الأنام
ويذهب الرفث وكتر الكلام
ويكتر الحب
ويدوم السلام