...يعنى ايه كلمة وطن..../ بقلم الشاعر د.احمد عبد الرحمن

..........يعنى ايه كلمة وطن....................
يعنى ضمة لام
دافية فى ليلة برد ......
.يعنى ريشة ف كفها
لما الهجير يحتد ....
.يعنى تعطى ماتنتظر
رد الجميل من حد ......
.يعنى جودها للاقاصى
والادانى مالو حد .......
يعنى دمعة حزن تضحك
لو يبلغ منتهاه الجهد ...
.يعنى ريحة عطر حلوة
كاجمل واعبق ورد .......
.يعنى ترتيل الاغانى
والسواقى تروى كل نجد .......
يعنى تسمع صوتها
جوة قلبك برغم البعد ....
يعنى طيفها نن
عينك مايحجبه
الف سد وسد ...
عارف يعنى ايه كلمة وطن .؟
يعنى كل حاجة
منهاحلوة..حلوة بجد
.يعنى تلقى المر
منها بطعم الشهد.
يعنى تلقى شوكها بيطرح ورد
يعنى تكره دمعة
تجرى من عنيها.
يعنى تكره شوكة
تقرب من ايديها
او نسمة تفوت ع الخد
لما يهددها الاعادى
نبنى من جسومنا
اعلى واعظم سد
يعنى تنسى لها
الاساوة فى ساعة الجد
يعنى تفضل سكنة دمك
حتى لو فى قلب اللحد .
.هى دى كلمة وطن
مهما الرياح تشتد.............
.............د \ احمد عبد الرحمن