آه ع التربيه أما تخيب
مع ناس ما بتعرف ف العيب
مجروح والجرح اللى ف قلبى
من ولد ....وكان فعله عجيب
انا شيلته وف نن العين
ورويته م الحب سنين
وأمنته ودخلته حيطانى
سهانى وسرق القرشين
أنا شيلت اللقمه من بُقى
علشانه.. وعلشان ما يعيش
حوط عليه ف جدار شقى
أتاريه ملعون ما فهمنيش
كان فاكر بالفعل يعدى
ما هو عقله من جهله مصدى
وبجرمه صاب أهله وناسه
من غير ما يحاسب ويهدى
ملعونه البطن اللى تشيل
م الخسه لو نص جرام
ملعونه الكفه اللى تميل
ع الحق ...وتروح لحرام
ده الكلب اللى انت مربيه
ما يعضك لو تقسى عليه
و النبت الشيطانى ها يكلك
لو حتى بكفك ترويه
كلمات / رضا ابو الغيط
إرسال تعليق