صباح_لِلكل: *‫#‏بقلم محمد الأخرس

صباح_لِلكل:

ولِسا بقول..
صباح الخير
أنا عالكل
برغم إنه..
كتير..مِ الناس..
ماليها الغِل
بقوم مِ النوم..
بِطَبع_الطير
يشوف ياما..
مِن ْالصياد
ومات مِنُه..
فِ يومه الْ فات
طيور أكتر..
مِن ْإنه..ينسَى..
ظلم ْوزُلْ
بييجي الصبح..
نِلقى الطير
يقولِّ نا برده..
مِن ْقلبُه
صباح الفل..
وزَي ْالطير
هاقول برده..
صباح الخير
صباح الورد
صباح..
النرجس_الغالي
مَع َالياسمين
صباح مرسوم..
أمَلْ مِتحَني
بالأفراح
ينسينا..
جراح_القلب
ونزف الروح
فِ طلعِة..
كل شمس..
جديدة
علينا كل يوم
بتطل
بتِصْحَى..
الفرحة مالياها
تغني..
الدنيا مَحلاها
وكل الناس..
على أنغام
جمال_الدنيا..
في عنيها
تغني وراها ومعاها
ترد ْلها..
الغُنى تاني
وِلكن فيه..
شوية..
حِقد ْبردُه..وْغِل
لكِنّ الشمس
برده تكون..
صَبورة بْطبعها
عَالمُر
ولو كان..
أمْر ْشمس الكون
فِ إيدها
لعِشنا إحنا..
بَقِية العمر
بجد..فْ ضلمة..
حالگة وكُحْل
لكنها..
عارفة..آه
وفاهمة
وجاية بأمْر..
فوق الكل
بترسل..
نورها ودفاها..
بإسم الكل
عشان يمكن..
فِ يوم إحنا
نحِب الخير..
لغيرنا بجد
عشان غيرنا..
فِ يوم برده
يحب الخير..
ويترجاه..
لِنا..وْ لِلكل
فتيجي تقول..
‫#‏صباح_الحب‬
لعَله فْ يوم.ْ.
بإذن الله
يسْكن جُوَى..
فِ قلوبنا
وْتِبْقى حَياة..
سَعادة وْخير
بِأمر الله
قوي عَالكل... !!
‫#‏بقلمي‬
محمد الأخرس