دموع الفجر ............ بقلم الأستاذ // محمد درويش

دموع الفجر

**********

من ديوان مملكة الخيال

على كفوف الأمل تنزف ..

جروح اليأس وتغرّق .. 

عيون الفجر بالآهه اللى مابترحم

وتتقطّع خطاوينا ونتفرّق ..

على الحاضر

وع الجاى اللى مابنقدر نعدّيله

وع الذكرى

ومن بطن الوجع تتشد أغنية

يغنوها ماتتغنى

ينادوها القضا يحلف .. ماتستنى

ينيّمها .. وياخد حلمها ويمشى

ويرمى الغربة فى قلوبنا .. وفى عنينا

وبإدينا ..

نقدّم لقمة للأرض اللى ماتشبع :

ضنا صب الضنا فينا

ولا هوّا اللى لحظة موته موتنا ..

ولا هوّا اللى ساب الفرح ..

بعد الحزن .. يحيينا .

**************
محمد درويش