مسيرها يوم تتعدل .... بقلم الشاعر // طارق شامخ عبد الجواد

مسيرها يوم تتعدل

مسيرها يوم تتعدل
وترجع تاني غناوينااا
مسير الفجر يشق
ظلام الليل ويجينااا
مسير أحلامنا تتحقق
ونحضن تاني أمانينا
مسيرها الشمس
يوم تشرق
وعصافيرنا تزقزق
وصوتناا بالحق ينطق
ولآنغرق ف بحر الخوف
ولآ باطل يعميناااا
مسيرها يوم تتعدل

مسيرنا نشم ريحه الورد
ويجمع تاني بينآ الود
نصون العرض ونحمي الأرض
ولآ ندي ودانا لحد
ووقت الجد نبقى أسود
لأقصى حدود ولآ نهيب حد
وتبقى بلدنا ف عينينا
مسيرها يوم تتعدل
وترجع تاني غناوين

مسير الضحكه هتعدي
وهتنسيناا أي دموع
مسير كل اللي غاب يرجع
ولآحد يبات موجوع
مسير أرضك هتحضناا
وللظالم حتبقى قبور
وأخد حقي أنا وإبني
وحق ناس هتموت م الجوع
وتطبطبي كده عليناااا
مسيرها يوم تتعدل
وترجع تاني غناوينااا
مسير الفجر يشق ظلام
الليل ويجيناااااا

طارق شامخ عبد الجواد