GuidePedia
====
ومتغرب
====
بقلم الشاعر/احمد ابراهيم
========
===
ومتغرب وتاه الحلم من بعدك
وغاب الفرح تاه الحرف فى بعدك
وبوصفلك ليالى الدمع فى خدى
بتبكيكى بصرخة اه بنادى عليكى مشتقلك
ومتغرب بلاد الغربه بعداكى
ولا قادر اعدى حدود
ولا ليكى عرف اهرب
دموع فى عنيه بتنادى
عليكى حببتى انا بغرق
فى بحر الشوق ومتشوق
ليالى بتحكى اشواقى
فى بعدك نار وبتحرق
ورود الفرح فى ارضى
صرخت بصوت انا لعنيكى
انا بعشق
بصرخة قلب مشتقلك
انا العطشان يا ريت تروينى
من شهدك
بحبك كلمه مكتوبه ومرسومه
على دربك
انا العاشق لضؤ قمرك
وانا الميال ومتشوق على حدودك
اعديلك بلاد وبلاد واسمع
فى الفضا صوتك
واخدك جوه احضانى تعيشى فيا
اعيش فيكى واعيش
اللحظه فى يومك
اكون ليكى فى بحر غريق
اكون طوقك
اكون ليكى فى ليل دامس
اكون ضؤك
اكون ليكى حياة بالفرح
واكون ليكى مكتوبك
انا المشتاق للمسة حب
فى ايديه على توبك
وايدى بالحنان ترسم
على خدودك
جناين فرح لعيونك
==============
Top
إرسال تعليق