******
فى بحرك الوافى
وف نيلك الصافى
شقيت بمجدافى
وماهمنيش تيار
*****
اسبح فى عالى الموج
وف ريح لحيح مهووج
وسكونك الممجوج
لو بعده ميت اعصار
*****
الدفه فى يمينى
واسمك على جبينى
وان مت تحيينى
كاس الهوا دوار
*****
شفت ف عيونك شط
وف حضن ميلك حط
شوقى وفك الخط
وقريت حروف اصرار
*****
ريس اغير ع البر
عمرى ف هواك مااتغر
فى الحلوه او فى المر
شارى وغاوى ابحار
*****
صياد فى ليل الشرد
طعمى بذور الود
شبكى فى يوم ماارتد
صاد النغم مدرار
*****
صابح معداوى
ولهان قوى وغاوى
جراح انا مداوى
عاشق وصبرى نار
إرسال تعليق