مصر هتظل راعى العروبه وام للدنيا / بقلم الشاعر أ.راسم محمد

مصر هتظل راعى العروبه وام للدنيا
===================
مسحراتى
باجوب مداينك
وشوارعى وحاراتى
يا مصر ياغالية
ياام الراية العالية

علمك ثلاث الوان
ونسوره ذهبية
هارسملك بشعرى خريطه
دا كل شبر فيك يا بلدى
انا شايله بقلبى وعنيه
من القاهرة لاسوان
تاس طيبة الدنيا
ومن لاقصر لراس غارب
تاريخ مكتوب ببردية
ومن سينا للدقهلية
عشق الجمال غيه
ودمايطه وغربيه
شالله يا شيخ العرب
يا سيد يا بدوى
شرفت بك طنطا
يا زين الاوليه
ونظره ومدد يا امام
شالله يا ابوالعباس
يا اجدع ناس اسكندرانية
يا سويس يا بلد الغريب
يا حرة يا ابية
و يا بساله وقت الشدايد
يا بور سعيديه
ويا بور فؤاد ويا اسمعلاوية
الف سلام وتحية
يا ابطال سواحلية
يا صاعيده متاصلين
وعشق الرجال هيبه
اموت انا من الجوع
ولا امد انا اديه
لاجل عزة وكرامه
ما ننحنى غير لرب البريه
يا سوهاجى وقت الجد
له اماره وعلامه
ويا اسيوطى ومنياوى
بالكلمه بيداوى
ويا جيزاوى وفيومى
يا حر حامى وعصامى
سلام يا اهل البحيرة
يا غالين اوى عليه
ويا قليوبيه ويا شرقاوه
من حبى فيكم كتبت اغنيه
عزلت من كلامى قصيده
ووهبتها للمجد انا هديه
يا غردقة ويا واحات
داخله وخارجية
يا هليود شرقنا
وشرم الشيخ
يا واحة الراحة يا جنه طبيعية
ويا مطروح السحر
بحرك فتنى يا جنية
يا عروس البحر يا ابية
يا رشيد ويا محله
يا ورده مع فله
فاكرين حملة فريزر
والحملة الفرنسية
فاكرين حسن طوبار
ورجال منزلاويه
دا كل شبر بمصر
انا شايله بقلبى وعنيه
رمضان كريم يامصر
ياحضارة واسطورة فرعونية
اصحو وقولو للبشر والكون
مصر هتظل يا عالم
راعى العروبه وام للدنيا
وان شاء الله العام اللى جى
لو لسه لينا بالحياه دى عمر
راح انادى انا المسحراتى
وافكركم يا خلق بكلمتى ديه
رمضانكم كريم يا مصروية
قومو اتسحرو هل الصباح
والفجر هل ولاح
قومو وحدو المولى بينادى
حى على صلاة وفلاح
اتسحرو ولبو الندى
واغتنمو من رمضان
دا السعى للصوم
خير من النوم
دى ليالى سمحه
بعديها فرحه
بعيد فطر بعد الصوم
هنكبر بتكبيره ونقول
والله بعوده يا رمضان
بقلم
------ راسم محمد