غير نِطاطِىِ لكُلّ شيئ
لو يُدُوسوا فوق دِماغَك
فُوق كَرامتَك
فُوُق رُجولتَك
خَلِّى دايماً فُوق شَفايفَك
بَسْمِة الطِفْل البَريئ
هُوُ انتا يَعْنِىِ راح تعَمَّر
فِ الحَياه الطِيِن دِىِ كام ؟؟
مِيِت سَنَه ؟؟ دا انْ شالله تِحْيا
قَدّ نُوح بالألْف عام
بَرْدو مَيِّت ف النِهايَه
وكُلُّه راح ينْساك أكِيد
هُوُ انتا فاكِر بَعْد مُوُتَك
حَدَ هايمُوُت لجْل مُوُتَك ؟؟
وللا أوْلادَك وزوجتَك
مُش هايحْيوا اللا بوجودَك ؟؟
كُلّها أُسْبوع يادوبَك
أو ب فُوُت الارْبعين
كُلّ واحِد راح يعيش
ويَّا باقِىِ المَوْجودِين
ضِحْكِتُه تجَلْجِل ويمْكِن
ليلُه يقْضِيِه ويَّا مِيِن
مافى واحِد لجْل مَيِّت
يقْضِىِ طُوُل عُمْرُه حَزين
دُنْيا جَزْمَه بنِلْبِسوها
ونِخْلَعوها ل جِيِل جِديد
فاوْعا تِفْتِكِر انَّك انْتا
الفَذّ والفَرْد الوَحِيد
واللى هايفْضَل لابِسْها
مَدَى الحَياه ... كان غيرَك اشْطَر
إرسال تعليق