يوم ما عرفت الدنيا بتاعتي * بسنت إبراهيم

Poetess basant

يوم ما عرفت الدنيا بتاعتي
بقيت مخضوضه o_O
أدخل أسلم ع الدنيا دي
أقوم معضوضه o_O
أما أحايلها وأقول : راح تعدل
تقلب حالي ....
حتى إن عدلت ، يبقى مبهدلo_O
دنيا وماشية توزع لينا ،
فناجيل قهوة لكنها سادهo_O
لو تسألها : ليه بتعندي ؟؟!
تقولك عاده o_O
دنيا وعايشه معانا لماضه
مهما تدوب سكر فيها ...
تحس حضاضهo_O
دنيا تعيشها بعمرك كله ..
مره بحلوه ومره بمره
تفهمها وتقول : هتسود ...
أيامي
تقلبها سعاده o_O
دنيا وماشيه معاك بالعكس
تمشي وراها....تدي كلكس o_O
دنيا بجد منيش فهماها ...
قولت هسيبها ... لقيتني معاها o_O
دنيا تمشيك وأنت في تاكس o_O

♡♡♡بسنت إبراهيم♡♡♡
‫