GuidePedia

0
A+ A-
نـــــداء لـمـــن لديــــــه قلـــــب
ــــــ****************ــــــ
ربى اخترنى
بالشكل ده صورنى
ومش معترض
عنكم ميزنى .. بالصبر كملنى
ووجعكم ليا بقى فرض
لا انا ارجوز ولا بهلوان
ميضحكش عليا غير الجبان
ولا انا وحش ولا مفترس حيوان
مني تكش وتبص بقرف
انا زيي زيك انسان
لكن عقلى مصابوش الخرف
مبأذيش حد عشان مختلف
شايف نفسك انك احسن ؟!
عقلك اكبر .. عنى بتفهم
طب فين قلبك؟
ليه مش حاسس بيا اتكلم !!
ولا لسانك كمان إتلجم
كنت محتاجك تفهمنى .. تساعدنى
بابتسامة او نظرة حنونة تطمنى
تمد لى ايدك وتعلمنى
ارضى بقدرى وآمن بربى
تدينى الامان الي ناقصنى
لكن اخترت تكون عدوي
بمعاملتك الجاهلة تهدنى وتدمرنى
امتى هتفهم وتقدرنى
ولا جهلك هيفضل قدرى
..
بقـــــلم / وفـــــاء صبــــــرى
............Wafaa Sabry.........
..
Like · 
مرسلة بواسطة
Share to:

إرسال تعليق

الاشتراك في: تعليقات الرسالة (Atom)
 
Top