((أنا المصري))* الشاعر/احمد علي

((أنا المصري))

أنا المصرى اللى معروف...... دايما بجبروته
أنا المصرى اللى ما يهاب..... حتى لو موته
أنا المصرى اللى نص....ه كلام ونصه التانى
عايش أوهام ومحدش..... بقا بيسمع صوته
أنا المصرى اللى بقا..... ياكل فى حق أخوه
وبيفرط لناس بتسبه... وتلعنه يوم ما شفوه
وبيقرط على اهله وطبعا.... دا من كتر جهله
ويتعب اللى ما يستاهلوا ...وناكراللى بيحبوه
أنا المصرى اللى مضحوك.... عليه م الاعلام
وقاعد يسمع لعكاشه...... وحياته لحد ما نام
ويصحى الصبح متعقد...... وقلبه يبقى بيرقد
ويبقى ماشى يتفقد.... وكاره دينه والاسلام
أنا المصرى اللى.... بيسرقوا قوته وال راضى
ومستسلم لاى..... عسكرى يحكمه وقاضى
وهو وعياله يموت...... م الجوع وغيره مفجوع
ولو نبهته بيغير الموضوع..... فى كلام فاضى
أنا المصرى اللى....... بيشوف الدم وبيطنش
وكأنه شاف ميه....... ساقعه يشربها وينعنش
يا عينى عليك يامصرى........... عامل عصرى
ودم اخوك بقا حصرى...... بكره زيه هتتقرمش
أنا المصرى اللى كرهت....... بلدنا لجل الظلم
انا المصرى اللى نفسه........ الخير علينا يعم
مش ناس جوه القصور... عايشه وناس بايشه
تغمس قوتها من موته...... وتحلى بكاس الدم
أنا مش مصرى لان بلدنا... بقت مننا مخطوفه
بجبر سلاح وحكم قاضى.... سياسته معروفه
دى عالم ماشيه بالتوريث...... والكل خسيس
واللى هيعمل فيهاحسيس رقبته تبقا مقطوفه
كلمات الشاعر/احمد علي