....إهدار المال .... بقلم الشاعر عيسى عبد الرؤوف

....إهدار المال ....

ضيع ياعم المال
واردم عليه ف البير
وهى دى الاحول
فلوس ف يد حمير

بيقولوا منحه ياناس
وجايه م الإمارات
وعقلى صبح محتاس
بغباوة الوزارات

بيبلطوا ف شوارع
تطوير لعشوائيات
غباء واصبح بارع
مال وصاحبه مات

والخطوه الجايه غاز
وكسر ياعم من تانى
ومنحه ف الإنجاز
ماتبقاش بخيل وأنانى

وافحت كمان لمجارى
وضيع فلوس الناس
ومين يطفى نارى
ياشوية الأنجاس

وهى دى الفلوس
محسوبه للفقير
أصل الفقير منحوس
مردوم عليه ف البير

================
الشاعر عيسى عبد الرؤوف