السلام عليكم
أول مشاركة ليا بنص جديد..
😚😚
😚😚
الشِعر
الشِعر داء
لما تستحوذ بحوره
نبت إحساس من جذوره
وترضى للشاعر غروره
و يحس ف غيابه العناء
يبقى داء
الشِعر روح ساكنة روحى
نبض قلبى صوت لبوحى
وقت ما بتكتر جروحى
يبقى نور فجر وضياء
لما كل الكون يضيق
وبحتاج رفقة صديق
القى حرفى فى إنتظارى
قشاية بتنقذ غريق
وكل ما بعده بيطوّل
بشتاقله وبحتاجله
ساعات اكتر من الاول
ولو إحس انى يوم مخنوق
يقوم الحبر صوت منطوق
على سطورى بيتقسم
بيرسمنى .....ويتبسم
ولو هربت حروف منى
يحاوطها بفصلة وشوق
اكون ساحر وانا المسحور
ف علاقة طرد حسية
كشف بيان عن المستور
وعلاقة حب جبرية
الشِعر ده مية وهوا
كاس الهوى بيه ارتوى
ولو تمرض فيا الروح
اكتب أبيات شفا ودوا
واداديهم واجمعهم فى اغنية
واقول الله
وعن حسادى أداريهم
كحضن الأم فيه قواه
ما هو الشط والمرسى
وأمواجه بحنين تقسى
لو أنسى ف صداه همسى
أبداً عمره ما بينسى
ودايما القى نفسى معاه.
إرسال تعليق