انت لوحدك
..........................
انت لوحدك قلبى سامحلك.. تدخل من غير استئذان
طمن قلبك انى بحبك.. وانت فى حياتى اول انسان
واسأل عنى قمر الليل.. سهرانة اجيب وياه سيرتك
احكى واقول وياه مواويل.. ولا اقدر ابدا على بعدك
انت لوحدك
انت الدنيا اللى اتمنيتها.. انت الحب بتاع زمان
وانت الفرحة اللى استنيتها.. تملا حياتى حنين وحنان
ولا غيرك ممكن افكر فيه.. ولا زيك فى الدنيا الاقيه
انت لوحدك
انت الروح اللى بتحيينى.. وانت عشق كل سنينى
وانت الضهر اللى بيحمينى.. من غدر الدنيا وجرح كاوينى
وانت نصيبى ومنايا.. وانت حبيبى وهنايا
انت لوحدك
انت لقلبى اكيد سلطان.. وانت ياعمرى بر امان
ارسى عليه لما الاقينى.. ف بحر هواك بقيت غرقان
ومهما كان الموج عالى.. وياك هاعيش احلى ليالى
انت لوحدك
انت طريقى وسكتى.. انت حياتى ودنيتى
انت النور وسط الضلمة.. ياخدنى ليك من غير ولا كلمة
وانا وياك هافضل احبك واعشقك.. وحياتى معاك تدوم ولا يمكن اودعك
انت لوحدك
مش نسياك ولا هنساك.. مهما طال بينا الزمان
يالا تعالى خدنى ف حضنك.. خلينى اعيش وياك ف امان
وانساك ازاى وانت حياتى ونور عينى.. وهواك محلاه ف الدنيا وحده بيكفينى
انت لوحدك
كلماتى.. محمد نبيه المرصفى
إرسال تعليق