امي الغولة
گلست لالة جنب الواد
تحكي لدوك الاولاد
على صابة البلاد
ف گاعة ايام الجواد
ايام كانت السبولة
كي الضفيرة مهبولة
يمشطوها حوافر البغولة
ف ايام حجاية امي الغولة
اليوم اللوح جدد صنصالو
القلم سطر هبالو
حروف زينو مقالو
تاهوا ف القصيدة وجالوا
وگفت لالة مو سوالف
عقلها ف الكلام تالف
من مداد وادو خايف
لايكون زراب وليها حايف
شدتها الضلمة ف حلمة
تغرق وتعيط مغشمة
راسها فازگ ف السما
ورجليها يابسين ف الما
بقلم ادريس جبيلو
المغرب
إرسال تعليق