على_إيدك ...إبراهيم_بدر_عبدالله

#على_إيدك .........
بقيت أستاذ ف علم الشوق
بقت شمسي دي فرحانة
خلقتيلها صباح وشروق
على إيدك.........
بقيتي بتجري في وريدي
تغنيلي واقول زيدي
لقاكي بيبقى يوم عيدي
يا فرحي وكل تنهيدي
ماهو انتي اللي لنجاتي طوق
على إيدك..........
بقيت فنان على إيدك
وقلبي أصله بيريدك
جوابي تاه في عنوانك
وشوقي تاه في بريدك
وبيكي عمري مرة م افوق
على إيدك........
بهمس للنسيم يفرح
وعقلي في الجمال يسرح
في أرضي الفرح يطرح
ماهو انتي الجمال والذوق
#أنا_دايب_على_إيدك

#إبراهيم_بدر_عبدالله