فلسطينى
يعنى ايه فلسطينى
انا ماعرفش
ومابفهمش ما تعني لى
عايش فى الدنيا دى تايه
مابين الاه وبين اللا
لكن جويا يقينى
فيه ليا اسم وليا جزور
سمعت بودنى مش عينى
واقف على ارض بتصرخ
ضنايا وابنى من طينى
لو استشهد ولو يبعد
يعود لى فى حضنى من تانى
واضمه بين حروف اسمى
وبشاهدتى وبشهادته
ليه وشم فى قلبى وجبينى
مين السائر فى كون دائر
غريب عن غزه وجنين
غريب عن قدس وضفه
ولف الشمله مئة لفه
وماسك ليا الدفه
وقال بلسانه فلسطينى
انا غزه انا الضفه
انا القدس انا جنين
انا الشط وانا المرسى
انا امه فلسطينى
ومن اسمى واخد اسمه
وحتى فى المدرسه رسمه
ومن لبسه ومن وشمه
على ذراعه وعلى صدره
فلسطينى
بقلم محمد البلاط
إرسال تعليق