في هداك الدوار بين الوجوه الحيار جفت يا سيادي الأبار للفرح ما بقالوا أثار تلقا عي البكا و النوح في كل الأخبار ا سيدي و ا مولاتي تشرك هداك اليزار ما بقا فيه شبر و لا أمتار و يلي ويلي و من هداك الإعصار اللي جايب الشر في الأمطار اليوم لا فرار و لا قرار سالت الضحكه , ما بقا إختيار الهم تتفرق بالكفف , في الإفطار
2
في هداك الدوار الساكن بين الجبال تكشفت فيه الأسرار الفقر و الجهل داير حصار حكمة الغول , كالت العقول الحمير و البغال ' ما بقاوا يتخطاوا الأسوار ما بقا لوجوه من إعتبار الحوجه كلها مرار الدل داير رجلين في عيون الجبار طلع النهار بلا سكار
3
في هداك الدوار لا اتشي لا كروا مدخل البياض النوار الحناك دابلين بجافيل العبار القلوب , كاتمه , شاحبه كلها إنكسار حبيبي , أنا , كولي , يا ولد الدوار هاد شي يخوف , يفرتك القلب , بلا أعذار راه القلوب ولات تتشرا بالدولار نساو سكان الدوار البغرير المسمن و الوجه المسرار بقينا نطلبوا غير الله الستار شي طالعلوا الدم شي محتار راكدين فايقين في التهميش المسقي بالمرار
4
أش خبار هداك الدوار اللي ساكن بين الجبال النسورا عاملين عليه حصار أمروا يحير , مالي بالأسرار ناسوا بالصبر , تحولوا لصبار
أش خبار هداك الدوار و اللي كان في يوم ولد بار تتسمع فيه ضحكات الأطفال حكمت اليوم عليه الأقدار يموت بين الجبال يتكمش يولي شارف كي الأحجار
إرسال تعليق