أمتا يادنيا تفرحينى
وداوى قلبى م الجراح
وترضى عنى وتسمعينى
وتعوضينى عن اللى راح
دنا اللى قلبى ياما أنكثر
ميت ومحسوب من البشر
على أنى عايش
تملى فيا تلطشى
ولو مره أشكى تطنشى
بتغلى ناس وترخصى
عمرى وسنينى
طفيتى ليا شمعتى
وف عينى حابس دمعتى
ولو الحمول تقلت بقول
ده من نصيبى وأسمتى
يادنيا أمتا ترحمى
ولما تيجى تأسمى
الفرح أخد فرحتى
عايش مابين مر وشقا
يادنيا والله خلاص بئا
الصبر فاض
والهم ذاد متريحينى
إرسال تعليق