{{قتلى وجرحى}}بقلم انتصار سلامة

قتلى وجرحى فى كل مكان

وقال أيه بيقولوا بنبنى الأوطان

حسبوا فوقوا أنتم بتتعاركوا

على مين يحكم البلاد

ونسيتوا إن فى فقر وخوف

ومرض وموت منتشر بين العباد

وقال أيه بتقولوا دى ثورات

إحنا خلاص زهقنا من الثورات

إحنا كرهنا الهدم والأهات

كرهنا الندب على شبابنا إللى مات

وياعجبى لما الغرب بيبنى أمجاد

واإحنا يا أهل العروبة

والفروسية المنكوبة

بنتصارع بنتمزق

بننقسم فرق وأحزاب

نسينا (واعتصموا بحبل الله)

ده أمر من رب العباد

وبقينا عايشين فى تيهه

وبنتحصر على اللى فات

مين يا وطنى هيداوى جراحك

ويمسح دمعك ويرجع أفراحك

غير رجال وشباب هم أولادك

يفدوك بروحهم ويبنوا أمجادك

قبل ما تكون مجرد ذكريات