(( عشانك أنا )) بقلمي أحمد الغرباوي

(( عشانك أنا ))
عشانك أنا أحب الغنا
أعشق رسمك واغنى اسمك

فرحة وشوق وهنا
عشانك انا...
أتحدى السفر
واحب الحياه
وارضى القدر
واعيشلك حياتي
يومي وسعاتي
واحلم واسافر وياك للقمر
وف بعدك ليلي سهاد وسهر
واقيد النجوم واجيبهالك
فى يوم عيدك واهديهالك
ومعاها القمر...
وازيح الغيوم وانسى الهموم
واهني قلبى اللي انتصر
صحيح غبت انا
يوم أو حتى سنة
لكن بنَّا عاش الخبر
غنينا سوى لحن الهوى
انتي العود وقلبي الوتر
انتى الورود وقلبي الشوك
يحميك قلبي من كل البشر
قلبي الزرع وانتي المطر
وياما كتير فى حياتنا عبر
من غيرك أضيع وابقى فى خطر
وادينى جيتلك خلاص
من السفر.....
محلى الغنا معاكِ هنا
يا أحلى صحبة وأغلى بشر
يا وردة نادية بالحب صافية
وقلب أخضر بلون الشجر
فى حبك كتبت كتير دواوين
شعر وزجل سحر ملايين
فى نور الشمس على ضي القمر
اسمك حكايتي حبك روايتي
أرسمها.. أكتبها.. أحفرها
على الطرقات والصخر
طول العمر طول الدهر
عشانك أنا أحب السهر
واحكي عنك لكل البشر
بقلمي
أحمد الغرباوي